Ystyrir Patrick Street yn un o’r prif grwpiau Gwyddelig, a gellir olrhain eu gwreiddiau cerddorol yn ôl i The Bothy Band (Kevin Burke) a Planxty (Andy Irvine).

Ar eu halbwm ddiweddaraf “On the Fly”, ceir perfformiad cyntaf yr offerynnwr amryddawn John Carty gyda Patrick Street. Mae nifer o alawon newydd y band yn deillio o gerddoriaeth rythmig a chwim cefngwlad County Sligo, lle cafodd Carty a Kevin Burke eu magu yn eu seiniau. Erbyn hyn, fe’u hystyrir fel dau ffidlwr mwyaf dawnus eu cenhedlaeth, maent yn cyfuno i gyflwyno set o alawon gwefreiddiol, ochr yn ochr â bouzouki a llais profiadol Andy Irvine o Planxty a gitar Ged Foley.